ఓ హిజ్రా రూ.6 కోట్లతో పారారయ్యింది

ఓ హిజ్రా రూ.6 కోట్లతో పారారయ్యింది. తెలంగాణలోని యాదగిరిగుట్టలో ఈ ఘటన చోటుచేసుకుంది.

విషయం ఏంటంటే తెలంగాణలోని యాదగిరిగుట్టకు చెందిన ఓ హిజ్రా గత 25 ఏళ్లుగా చిట్టీల వ్యాపారం చేస్తోంది. ఆమె వద్ద 50 మంది వ్యక్తులు చిట్టీలు వేశారు. ఈ క్రమంలో ఆమె ఎత్తిన చిట్టీలను ఇవ్వకుండా రూ.6 కోట్ల డబ్బుతో పారారయ్యింది. దీంతో డబ్బు పోగొట్టుకున్న బాధితులు పలు ప్రాంతాల్లో వెతికి ఆఖరికి ఆ హిజ్రాను పట్టుకున్నారు. అనంతరం పోలీసులకు అప్పగించారు.
అయితే ఆమె అప్పటికే ఐపీ పెట్టినట్లు పోలీసులకు తెలిసింది. దీంతో పోలీసులు కూడా ఏమీ చేసేది లేక ఆమె పై కేసు నమోదు చేయకుండానే వదిలేశారు.