“దీపావళి ఆ రోజునే జరుపుకోవాలి” – వేద పండితులు

“దీపావళి ఆ రోజునే జరుపుకోవాలి” – వేద పండితులు

కొన్ని సంవత్సరాలుగా మన పండగలు అన్నీ రెండు రెండు రోజులు వస్తున్నాయి. ఒక రోజు మధ్యాహ్నం లేదా సాయంత్రం మొదలై ఆ మరుసటి రోజు వరకు పండగ కొనసాగుతోంది. ఈ ఏడాది వినాయక చవితి, దసరా కూడా ఇలాగే వచ్చాయి. ఇప్పుడు వస్తున్న దీపావళి కూడా ఇదే విధంగా రెండు రోజులు వస్తుంది. దీంతో పండగ ఏ రోజు జరుపుకోవాలి అన్న ప్రశ్నతో ప్రజలు తికమక పడుతున్నారు.

ఈ సారి దీపావళి నవంబర్ 12 నుంచి ఆ మరుసటి రోజు 13వ తేదీ వరకు ఉంటుంది. దీంతో దీనిపై వేద పండితులు ప్రజలకు క్లారిటీ ఇచ్చారు.

“కార్తీక మాస అమావాస్య నవంబర్ 12 మధ్యాహ్నం 2:44 గంటలకు ప్రారంభమై మరుసటి రోజు 13న మధ్యాహ్నం 2:56 గంటలకు ముగుస్తుంది. దీపావళి అంటే సాయంత్రం లక్ష్మీపూజ చేసి, దీపాలు వెలిగిస్తాం. కాబట్టి అమావాస్య ఘడియలు సాయంత్రానికి ఉన్న రోజునే పరిగణలోకి తీసుకోవాలి. అందుకే నవంబరు 12నే దీపావళి పండగను జరుపుకోవాలి” అని పండితులు చెబుతున్నారు.