ఎవరైనా చాక్లెట్స్ ఇస్తే తీసుకోవద్దని పిల్లలకి ఇందుకే చెబుతారు – మాటల వెనుక కథ

ఎవరైనా చాక్లెట్స్ ఇస్తే తీసుకోవద్దని పిల్లలకి ఇందుకే చెబుతారు – మాటల వెనుక కథ

తల్లిదండ్రులు పిల్లలకి “ఎవరైనా చాక్లెట్స్ ఇస్తే తీసుకోవద్దు” అని చెప్పడం చూస్తూ ఉంటాం. అయితే ఈ మాటలు వాళ్ల చాదస్తం వల్లనో, అతి జాగ్రత్త వల్లనో చెబుతున్నారని అనుకుంటుంటాం. కానీ వాళ్లు చెప్పే ఈ మాటల వెనకాల ఓ కారణం. ఓ నిజమైన కథ ఉంది.

1874, జూన్ లో ఫిలడెల్ఫియాలోని జర్మన్‌టౌన్ ప్రాంతంలో ఒక బండిలో ఓ వ్యక్తి పిల్లలకు చాక్లెట్స్ (chocolates) పంచాడు.

కట్ చేస్తే ఒక నెల తరువాత జూలై 1న, చార్లీ అనే ఓ చిన్న పిల్లాడు కనపడకుండా పోయాడు. చార్లీ మిస్ అయిన విషయం గురించి చార్లీ సోదరుడు వాల్టర్ ని అడిగితే ” ఎందుకు? అయినా చార్లీ బండిలో బాగానే ఉన్నాడు.” అంటూ సమాధానం ఇచ్చాడు.

పొలీసులు వాల్టర్ ను మరింత ఇన్వెస్టిగేషన్ చేసిన తరువాత చార్లీకి ఎవరో చాక్లెట్స్ ఆశ చూపించి వాళ్ళని నమ్మేలా చేశారని, ఆ తరువాత చార్లీని కిడ్నాప్ చేశారని తెలుసుకున్నారు. చార్లీని కనిపెట్టడానికి 5 నెలలు ఇన్వెస్టిగేషన్ జరిగింది. ఈ సమయంలో చార్లీ కుటుంబానికి కిడ్నాపర్‌ల నుండి 23 లేఖలు వచ్చాయి. 600 కంటే ఎక్కువ మంది పిల్లలను చార్లీ అనుకుని పొరపాటు పడ్డారు. ఆ తరువాత కూడా చార్లీ కోసం చాలా కాలం ఇన్వెస్టిగేషన్స్ జరిగాయి. కానీ అతని ఆచూకీ తెలియలేదు. ఇప్పటికీ తను ఏమయ్యాడు అనేది ఓ మిస్టరీ గానే మిగిలిపోయింది.

అందుకే ఇప్పటికీ చిన్న పిల్లలకు తల్లిదండ్రులు ఎవరైనా చాక్లెట్స్ ఇస్తే తీసుకోవద్దని చెబుతుంటారు.