ASHOK S
ముగిసిన వైసీపీ ఎంపీ భార్యా,కుమారుడి కిడ్నాప్ డ్రామా
వైసీపీ ఎంపీ ఎంవీవీ సత్యనారాయణ కుటుంబ సభ్యుల్ని కొందరు అపహరించారు. వ్యాపార లావా దేవీల నేపథ్యంలో ఈ కిడ్నాప్ జరిగినట్లు సమాచారం.
వివరాల్లోకి వైసీపీ ఎంపీ సత్యనారాయణ నగరంలో లేని సమయంలో ఆయన భార్య ఆనందపురంలో ఉన్న తమ కొడుకు దగ్గరకు వెళ్లారు. ఈ క్రమంలో అయన భార్యను, కుమారుడిని కొందరు అపహరించారు. ఈ విషయం తెలిసి వారి సన్నిహితుడు, ఆడిటర్ అయిన గన్నమనేని వెంకటేశ్వర రావు (జీవీ) అక్కడికి వెళ్లగా.. ఆయనను కూడా కిడ్నాప్ చేసి అందర్ని ఓ ఇంట్లో నిర్బంధించారు. ఈ కిడ్నాప్ రియల్ ఎస్టేట్ వ్యాపార లావా దేవీల నేపథ్యంలో జరిగినట్లు తెలుస్తుండగా.. నిందితులు 50 కోట్లు డిమాండ్ చేశారని సమాచారం.
అయితే బుధవారం జరిగిన ఈ ఘటనను పోలీసులు ఇప్పటి వరకు గోప్యంగా ఉంచి దర్యాప్తు చేపట్టారు. ఇప్పుడు ఈ విషయం బయటకి పొక్కడంతో పోలీసులు స్పందించారు. ప్రస్తుతం కుటుంబ సభ్యులు, ఆడిటర్ అందరూ క్షేమంగానే ఉన్నారని తెలిపారు.
ప్రధాన నిందితుడు హేమంత్ ని అదుపులోకి తీసుకున్న పోలీసులు కిడ్నాపర్ల పూర్తి వివరాలు త్వరలో వెల్లడిస్తామని అన్నారు.
