ASHOK S
“ఎర్రి పప్ప”కి కొత్త అర్థం చెప్పిన మంత్రి కారుమూరి
ఏపీ మంత్రి, రాష్ట్ర పౌర సరఫరాల శాఖామంత్రి కారుమూరి వెంకట నాగేశ్వరరావు “ఎర్రిపప్ప” అనే పదానికి కొత్త అర్థం చెప్పారు. “ఎర్రిపప్ప” అంటే “బుజ్జినాన్న” అని అర్థం, ఈ మాత్రం పరిజ్ఞానం లేని విపక్ష నేతలు తనపై విమర్శలు చేస్తున్నారంటూ ఆయన మండిపడ్డారు.
అసలు విషయం ఏంటంటే ఈ నెల ఆరో తేదీన మంత్రి వెంకట నాగేశ్వరరావు పశ్చిమ గోదావరి జిల్లాలో తన నియోజకవర్గంలోని తణుకు మండలం వేల్పూరులో పర్యటించారు. ఈ పర్యటనలో తన గోడు వెళ్ళబెట్టుకుందాం అనుకున్న ఓ రైతు తాము పండించిన ధాన్యం మొలకలొచ్చాయని చెప్పాడు. అయితే మంత్రి ఆ రైతుకు సలహా ఇవ్వకపోగ, “ఎర్రిపప్పు మొలకలొస్తే నేనేం చేస్తాను..” అంటూ ఆగ్రహం చూపించారు.
అంతే ఈ వ్యాఖ్యలు వివాదాస్పదం కావడంతోపాటు సోషల్ మీడియాలో ఆయనపై ట్రోలింగ్ మొదలైంది.
ఈ నేపథ్యంలో ఓ టీవీ ఇంటర్వ్యూలో మాట్లాడిన కారుమూరి.. తను రైతును దుర్భాషలాడలేదని, “ఎర్రి పప్ప” అంటే “బుజ్జినాన్న” అని అర్థం అని చెప్పుకొచ్చారు.
సోషల్ మీడియాలో కామూరి చేసిన ఈ వ్యాఖ్యలపై కూడా ట్రోలింగ్ చేయడం మొదలు పెట్టారు. ఒకరు “అయితే నిన్నూ కూడా ఎర్రి పప్ప.. అనమా బుజ్జినాన్న..” అని, ఇంకొకరు “151 మంది ఎమ్మెల్యేలు బుజ్జినాన్న లేనన్న మాట” అని కామెంట్ చేశారు.
