ASHOK S
ఏఐ ఉపయోగిస్తూ 90 శాతం ఉద్యోగులను తొలగించిన కంపెనీ
అందరూ ఊహించినట్టే జరుగుతోంది. ఆర్టిఫీషియల్ ఇంటెలిజెన్స్ (AI) ఉద్యోగులకు ముప్పుగా మారింది. ఈ ఏఐ మూలంగా కొన్ని కంపెనీలు చాలా వరకు ఉద్యోగులను తొలగిస్తున్నాయి. తాజాగా ఓ కంపెనీ ఈ పనే చేసింది. ఏకంగా కంపెనీలోని 90 శాతం ఉద్యోగులను తొలగించింది.
వివరాల్లోకి వెళ్తే ‘దుకాణ్’ అనే ఓ ఈ కామర్స్ స్టార్టప్ కంపెనీ భారీగా ఉద్యోగులను తొలగించింది. కస్టమర్ సర్వీస్ విభాగంలో ఏకంగా 90 శాతం ఉద్యోగులను తీసేసింది. దీనిపై స్పందించిన సీఈవో సుమిత్ షా ఈ నిర్ణయంతో కస్టమర్ సపోర్ట్‌లో 85 శాతం ఖర్చులు తగ్గాయని తెలిపారు. దీంతో పాటు సర్వీసులో వేగం పెరిగిందని అన్నారు. ఇంతకు ముందు సమస్యను పరిష్కరించడానికి 2 గంటలు పట్టేదని.. కానీ ఇప్పుడు 3 నిమిషాల్లోనే పూర్తవుతుందని చెబుతూ తను తీసుకున్న ఈ నిర్ణయాన్ని సమర్థించుకున్నారు.
