అతని మరణంతో మానవాళి నుంచి మరొక తెగ అంతరించిపోయింది

మరొక తెగ అంతరించిపోయింది

‘ఇండిఓ డో బురాకో’ అనే వ్యక్తి రొండోనియా రాష్ట్రంలోని బ్రెజిలియన్ అమెజాన్‌లో లోతైన తనారు స్వదేశీ భూమిలో గత 26 సంవత్సరాలుగా పూర్తిగా ఒంటరిగా నివసించారు.

సర్వైవల్ ఇంటర్నేషనల్ అనే స్వచ్ఛంద సంస్థ తెలిపిన వివరాల ప్రకారం అతనికి బయటి ప్రపంచంతో ఎలాంటి సంబంధాలు లేవు. క్రూరమైన మారణకాండలు మరియు భూ దండయాత్రలను భరించిన తరువాత, బయటి వ్యక్తులతో పరిచయాన్ని తిరస్కరించడం అతని మనుగడకు ఎంతో దోహద పడింది. అతను తన తెగలో చివరివాడు, బయటి వ్యక్తికి ఈ వ్యక్తి పేరు లేదా అతని తెగ గురించి కూడా తెలియదు.

గత 26 ఏళ్ళ నుంచి అజ్ఞాతం లో బ్రతికిన ఈ “ఇండీఓ” తన తుది శ్వాస విడిచాడు. అతని గుడిసెలోని ఊయలలో మృతదేహం పడి ఉండటం సర్వైవల్ ఇంటర్నేషనల్ బృందం గుర్తించింది. ఇతని మరణంతో మానవాళి నుంచి మరొక తెగ అంతరించిపోయింది అని చెప్పొచ్చు. ప్రస్తుతం, బ్రెజిల్‌లో 300 కంటే తక్కువ స్థానిక తెగలు ఉన్నట్లు భావిస్తున్నారు. క్రమంగా ఈ సంఖ్య నెమ్మదిగా తగ్గుతోంది. మరో గుర్తు తెలియని 30 గ్రూపులు ఉన్నాయి అని నిపుణుల సమాచారం.