ప్రేక్షకులకు సారీ చెప్పిన ‘బేబీ’ సినిమా దర్శకుడు

ప్రేక్షకులకు సారీ చెప్పిన ‘బేబీ’ సినిమా దర్శకుడు

విజయ్ దేవర కొండ సోదరుడు ఆనంద్ దేవర కొండ ప్రధాన పాత్రలో ఇటీవల విడుదలైన ‘బేబీ’ సినిమా ఏ స్థాయిలో విజయం సాధించిందో తెలిసిన విషయమే. ట్రైయాంగిల్ లవ్ స్టోరీగా తెరకెక్కిన ఈ సినిమా బాక్స్ ఆఫీస్ వద్ద అదరగొడుతోంది. అయితే తాజాగా ఈ సినిమా దర్శకుడు సాయి రాజేష్ ప్రేక్షకులకు క్షమాపణలు చెప్పారు. అటువంటి డైలాగ్స్ ఉన్నా సినిమాను ఆదరించినందుకు ప్రేక్షకులకు ధన్యవాదాలు తెలిపారు.

విషయం ఏంటంటే ‘బేబీ’ సినిమాలో కొన్ని అభ్యంతరకర పదాలు ఉన్నాయి. ఈ విషయం పై తాజాగా దర్శకుడు సాయి రాజేష్ స్పందించారు. “హీరో హీరోయినల మధ్య స్ట్రాంగ్ లవ్ స్టోరీ ఉండటంతో అభ్యంతరకర పదాలు వాడాల్సి వచ్చింది. ‘తెరవాల్సింది కళ్లు కాదు..’ అనే డైలాగు, ఆ పదాలు రాయాల్సింది కాదు. మిగతా డైలాగ్స్ అన్నీకథకు అవసరమైనవే. అయినా ప్రేక్షకులు ఇవేమీ పట్టించుకోకుండా సినిమాను ఆస్వాదిస్తున్నారు.’’ అంటూ సాయి రాజేష్ చెప్పుకొచ్చారు. అటువంటి తనను డైలాగ్స్ ఉపయోగించినందుకు క్షమించమని ప్రేక్షకులను కోరారు.